新版流星花园F4和杉菜首度在上海亮相，左起梁靖康、王鹤棣、沈月、官鸿、吴希泽。

新杉菜沈月。

新版流星花园F4和杉菜首度在上海亮相，左起梁靖康、王鹤棣、沈月、官鸿、吴希泽。

台湾经典人气偶像剧《流星花园》制作人柴智屏今年年头宣布将会开拍2018版，讲咗咁耐都只闻楼梯响，正当大家都喺度揣测会搵啲咩人去演番F4同杉菜呢几个角色时，剧组终于喺上海举行记者会公布喇！新F4公布F4嘅道明寺由嚟自四川19岁的王鹤棣饰演、花泽类由嚟自台北22岁的官鸿饰演，23岁嚟自广州嘅梁靖康饰演美作，而嚟自深圳21岁的吴希泽就饰演西门。由于2018版本系中资关系，所以唔会用太多台湾演员，咁究竟会由咩人饰演杉菜呢？

小S都有份旧版杉菜大S嘅妹妹小S（徐熙娣）一直争住认头想延续家姐呢个传奇，更何况新版有好多小S最爱嘅小鲜肉！据悉，小S原来真系有份拍新一辑《流星花园》！

小S过戏瘾不过，原来小S只系客串演出道明寺嘅贵妇阿妈或者家姐一角。当时小S话想演杉菜嘅时候已经有网民寸佢嘅年纪只合适做道明寺阿妈，估唔到真系畀网民开口中！小S嘅经理人回应确实有收到邀请，但细节同角色就仲未可以透露。小S平时做综艺节目已经成日戏瘾大发，未知今次佢会演释出一个咩感觉嘅姑奶或者奶奶呢？真杉菜至于真正饰演杉菜嘅系新人沈月，柴智屏话系一个导演推荐畀佢，认为有邻家女孩嘅特质，好适合做杉菜。但有好多网民都表示言承旭、周渝民、朱孝天、吴建豪同大S呢个经典组合系冇人可以取代到，讲明唔睇好话新不如旧，大家即管睇下呢个新组合可以畀到啲咩惊喜大家啦！